NewsPort

შინაარსი
თავფურცელი
CEO-საგან
აქტუალური » Etihad-ი თურქეთში ზრდისკენ მიილტვის გაზიფაშას საერთაშორისო რეისის კოდი : “GZP” TAV ჯგუფი თავისი იურიდიული უფლებამოსილებით მსოფლიო დონეზე გავიდა
მოგზაურობათა
თავფურცელის თემა
რისკი და კონტროლი
მუშაობის გეზი
საავიაციო სექტორის
მართვა
„თავ“ ის სამყარო » ავიაკომპანია „Qatar Airways“-ის რეისების მსოფლიო ქსელს ანკარაც ემატებაა Havaş ინვესტიციას დებს ბაქნის უსაფრთხოების უზრუნველსაყოფად ტერმინალის პირველი „მწვანე ოპერატორი“: TAV Istanbul-ი ერთგვარი პრივილეგიაა იყო TAV-ელი გაგისინჯავთ Ekşi Aşı?
ჯანმრთელობა
საზრიანი ფიქრები
ცხოვრების ორომტრიალი
სოციალური ინფორმაცია
ძლიერი რგოლი
ცხოვრების გეზი
ხელებით შექმნილი სასწაული
დღიური » თავ - მუსიკა თავ - დივიდი თავ - გამოფენა თავ - წიგნი თავ-ჩვენი ადგილები
აქტიური ცხოვრება » "Ebru ანუ ფერთა გამის ხელოვნება თავდავიწყებას განგაცდევინებთ" TAV-ის თასის ტურნირი მაგიდის ჩოგბურთში დასრულდა განსაცვიფრებელი შედეგით
პლატფორმა
რეზიუმე
ანკეტა / გამოკითხვა

TAV ჯგუფი თავისი იურიდიული

უფლებამოსილებით მსოფლიო

დონეზე გავიდა

“იურიდიული უფლებამოსილება“, საიდანაც TAV ჯგუფი იღებს უდიდეს მხარდაჭერას მაშინ, როცა მიილტვის მსოფლიო მიზნებისაკენ, თავის შეხედულებებს კანონის სტრატეგიულ მნიშვნელობაზე კორპორაციებისათვის და ცოდნას სამართლებრივი საქმიანობის შესახებ, რაც ხორციელდება TAV ჯგუფში, უზიარებს NewsPORT-ს.

TAV აეროპორტების ჰოლდინგის უფლებამოსილი სამართლებრივი გუნდი
ჯგუფის შემადგენლობაში შედიან ბანუ პეკტაში, TAV აეროპორტების ჰოლდინგის იურიდიული დეპარტამენტის უფროსი იურისტ-კონსულტანტი და ჩეიდა აკბალი, ბილდე ბილენი, მელის ერკუნი და პინარ თანილკანი, რომლებიც თავიანთ მოვალეობას ასრულებენ მისი ხელმძღვანელობით.
კომპანიის ინტერესების იურიდიული დაცვის დროული უზრუნველყოფა და დავის წარმოშობის თავიდან აცილება, შესაბამისი დეპარტამენტების ინფორმირება იურიდიულ საკითხებთან დაკავშირებული პროცედურებისა და რისკების შესახებ, ასევე, იურიდიული კონსულტაციით მომსახურება, რაც საჭიროა ყველა ქმედების თუ ოპერაციის კანონთან შესაბამისობაში მოყვანის უზრუნველსაყოფად შედის TAV აეროპორტების ჰოლდინგის იურიდიული დეპარტამენტის მოვალეობებში.
პეკტაშმა განაცხადა: “ჩვენ ჩვენს სამუშაოს ვასრულებთ ჩვენი მოვალეობების განაწილებით, ერთმარეთთან კონსულტაციით და ერთმანეთის მხარდაჭერით”. მან ასევე დაამატა: “ჩვენი გუნდი წარმოადგენს TAV აეროპორტების ჰოლდინგს ასევე TAV Izmir-ს და TAV IT-ს, რომლებიც წარმოადგენენ მის დაქვემდებარებულ ორგანიზაციებს. მოცემულ ჩარჩოებში ჩვენ ვამზადებთ იურიდიულ დოკუმენტებს, შემდგომ სასამართლო სარჩელებს და გამოვხატავთ საკუთარ აზრს იურიდიულ საკითხებსა და პროცედურებზე, რამაც შესაძლოა გამოიწვიოს იურიდიული, ფინანსური და სისხლის სამართლის პასუხიხმგებლობის შედეგები. ჩვენ მომსახურებას ვუწევთ საერთაშორსო პროექტებს, რომლებიც ხორციელდება TAV აეროპორტების ჰოლდინგის მიერ ტენდერის დასკვნის და საკონცესიო ხელშეკრულების, პროექტის დაფინანსების და მესამე მხარესთან პარტნიორობის გაფორმების სტადიაზე. ამ ჩარჩოების ფარგლებში ჩვენ ვსწავლობთ იურიდიულ დოკუმენტებს და ვამზადებთ საჭირო იურიდიულ დოკუმენტაციას. საერთაშორისო პროექტების ზემოთჩამოთვლილ სტადიებზე ჩვენ მხარდაჭერას ვიღებთ ადგილობრივი ადვოკატებისაგან და საერთაშორისო იურიდიული კომპანიებისაგან. ჩვენ ვთანამშრომლობთ ჩვენს კოლეგებთან, რომლებიც მუშაობენ TAV ჯგუფის ყველა კომპანიაში”.
პეტკაშმა ასევე ისაუბრა იურიდიული დეპარტამენტის როგორც ბიზნეს კონსულტანტის აღიარების მნიშვნელობის შესახებ, რომელიც სხვა დეპარტამენტების ნდობით არის აღჭურვილი და უზრუნველყოფს მათ დამატებითი უპირატესობით უხსნის რა მათ, რომ ისინი მუშაობენ, რათა მათ გაუადვილონ ეს ასპექტი სხვების მიერ იყოს გაგებული.

ბანუ ფექთაში / მთავარი იურიდიული მრჩეველი
ქ-ნი ბანუ ფექთაში, რომელიც 2007 წლის ივნისიდან TAV Airports Holding-ის მთავარი იურიდიული მრჩეველია, ჩვენთან საუბარში ამბობს: „ამ სფეროში ასეთ მოკლე დროში ყოველმხრივ წარმატებულ პროექტებში არსებული TAV Airports Holding-ის მიღწევები, რაც თურქეთისა და მთელი მსოფლიოსთვისაც კი სიახლეა, ძალზე ამაღელვებელი გამოცდილებაა. ჩვენი მიზანია, მივაღწიოთ იურიდიული დეპარტამენტის აღიარებას ამ გაწეული დიდი სამუშაოს ნაწილად და მენეჯმენტის მიერ ნდობით აღჭურვილ კონსულტანტად, რომელიც კომპანიისათვის დამატებითი ღირებულების წყაროს წარმოადგენს“.

(*) ბანუ ფექთაშმა სტამბულის უნივერსიტეტის სამართლის ფაკულტეტი 1964 წელს დაამთავრა და 1965-1987 წლებში მუშაობდა დამოუკიდებელ იურისტად. 1987-2006 წლებში იგი დაინიშნა კომპანია კოკა-კოლას თურქეთის რეგიონისა და ევრაზიისა და კოკა-კოლას ახლო აღმოსავლეთის რეგიონის მთავარ იურიდიულ მრჩევლად.

ჯეიდა აქბალი / იურიდიული მრჩეველი
ჯეიდა აქბალი TAV-ის ოჯახის წევრი 2009 წლიდან გახდა და ამას ასე მოგვითხრობს: „ვამაყობ, რომ ისეთ ორგანიზაციაში ვმუშაობ, რომელმაც ასეთ მცირე დროში ყველა მიზანს მიაღწია და უკვე საერთაშორისო არენაზე გავიდა საკუთარი სავაჭრო ნიშნით. ჩემი საზღვარგარეთ ცხოვრების წლებში, მე, როგორც მგზავრი, ვგრძნობდი, რომ ათათურქის სახელობის აეროპორტის მმართველი კომპანია TAV-ი განსაკუთრებული კომპანია იყო და იმასაც ვხედავდი, რომ იგი მე და ჩემს ქვეყანას მაღალი დონის მომსახურებას გვთავაზობდა. ეს მე ყველაზე მეტად მომეწონა, ბევრ სხვა ცნობილ აეროპორტთან შედარებითაც კი, რომლებიც მე ევროპის მთავარ, წამყვან ქალაქებში მინახავს. რამდენიმე ხნის წინ ამ წარმატებულ გუნდს ჯერ კიდევ შორიდან ვადევნებდი თვალს, ახლა კი მის ნაწილს წარმოვადგენ და ამით ძალზე ბედნიერი ვარ“.

(*) გალათასარაის ლიცეუმის დამთავრების შემდეგ ჯეიდა აქბალმა 1000 წ. დაამთავრა გალათასარაის უნივერსიტეტის იურიდიული ფაკულტეტი, მოგვიანებით კი University of Paris 1 Panthéon-Sorbonne უნივერსიტეტის ეკონომიკის სამართლის ფაკულტეტი. 2000 წლიდან მუშაობდა პარიზისა და სტამბულის სხვადასხვა იურიდიულ ბიუროებში საერთაშორისო ვაჭრობისა და კონკურენციის სამართლის სფეროში. ამ პერიოდში იგი საერთაშორისო დონეზე უწევდა იურიდიულ მომსახურებას მედიცინის, საჰაერო და საზღვაო ტრანსპორტირების, სატელეკომუნიკაციო და ცემენტის მწარმოებელ წამყვან კომპანიებს თურქეთში. ამჟამად ქ-ნი ჯეიდა აქბალი იღწვის შედარებით სამართალში დოქტორის ხარისხის მოსაპოვებლად University of Paris 1 Panthéon-Sorbonne უნივერსიტეტში და ემზადება სადოქტორო თემის დასაცავად „ევროპული ტიპის სააქციო საზოგადოებებისა და თურქული კომპანიების სამართლის შედარება“.

ბილდე ბილენ გიუმუშჩუ / იურიდიული მრჩეველი
სამაგისტრო პროგრამის დასრულების შემდეგ იგი TAV-ის ოჯახს შეუერთდა, სადაც ძირითადად კონტრაქტების მომზადებაზეა პასუხისმგებელი და ამას ასე აღგვიწერს: „ჩვენი მიზანია ჩვენს მიერ მომზადებული კონტრაქტები კანონთან შესაბამისობაში იმყოფებოდეს და ნებისმიერი შესაძლო სადავო სიტუაცია ისე იყოს გათვალისწინებული, რომ მაქსიმალურად დავიცვათ TAV-ის ინტერესები. ჩვენი ქვეყნისა თუ მსოფლიოს ყველაზე პოპულარულ ადგილებში განთავსებული აეროპორტებში, რომლებიც, მათი საქმიანობის ბუნებიდან გამომდინარე, 24 საათის განმავლობაში შეუჩერებლად მოქმედებს, ყოველი ცალკეული ნაწილი ერთმანეთთან დამოკიდებულებაში იმყოფება და ასევე უნდა მოქმედებდეს, და ამ დროს გუნდურობის შეგრძნება უნდა არსებობდეს. აქედან გამომდინარე, ყველაზე მნიშვნელოვანი, რაც ამ პრინციპს შეუძლია იურისტს მოუტანოს, არის ის, რომ ეს კონკრეტულ და აღქმად შეხედულებას იძლევა. სიტყვა „კონკრეტული“ იმიტომ ვიხმარე, რომ საშუალება მაქვს, პირადად ვადევნო თვალყური საქმიანობის მიმდინარეობას, ეს კი იმ რისკების უფრო აშკარად დანახვაში მეხმარება, რომლებმაც შეიძლება უთანხმოებები გამოიწვიოს და მათი უკეთესი პროფილაქტიკის უზრუნველყოფაშიც მიწყობს ხელს“.
(*) ბილდე ბილენ გიუმუშჩუმ ბაშკენტის უნივერსიტეტის იურიდიული ფაკულტეტი 2005 წელს დაამთავრა, მოგვიანებით კი კენტის უნივერსიტეტში მოიპოვა იურიდიულ მეცნიერებებში მაგისტრის ხარისხი საერთაშორისო სამართალში. ავიაციის ინდუსტრიით დაინტერესების გამო და იმის გამოც, რომ ავიაცია თურქეთში განვითარებად სექტორს წარმოადგენდა, ქ-ნმა გიუმუშჩუმ თავისი თემისათვის აირჩია „გადამზიდველის პასუხისმგებლობა საერთაშორისო საჰაერო გადაზიდვებში“.

მელის ერქუნი / იურიდიული მრჩეველი
მელის ერქუნმა ფრანგული Notre Dame De Sion Lyceum ლიცეუმის შემდეგ სტამბულის უნივერსიტეტის იურიდიული ფაკულტეტი დაამთავრა, რის შემდეგაც 12 წლის განმავლობაში მუშაობდა იურისტად სხვადასხვა ორგანიზაციებში. 2009 წლიდან ქ-ნი ერქუნი TAV-ის ოჯახის წევრია და წარმატებით ასრულებს თავის მოვალეობებს კომპანიის საბანკო და მედია სექტორში იურიდიული მრჩეველის როლში. ქ-ნი ერქუნი გვიამბობს, რომ საერთაშორისო პროექტების განხორციელებასთან ერთად მისი გუნდი ასევე უძღვება ეროვნული მასშტაბის მქონე სასამართლო სარჩელებს TAV Airports Holding-ისა და მისი შვილობილი კომპანიებისა და განყოფილებების, მაგ., TAV Izmir-ისა და TAV IT-ის დახმარებით. „TAV Group-მა - კომპანიამ, რომელიც დიდი საერთო პატივისცემით სარგებლობს, სახელი უკვე მთელ მსოფლიოში გაითქვა და თავისი ბრენდის ძლიერებას კვლავაც განუხრელად ზრდის თავისი ფართომასშტაბიანი და წარმატებული პროექტების განხორციელებით როგორც საზღვარგარეთ, ასევე თურქეთის ფარგლებში, ასევე ქვეყანაში წამყვან პოზიციებზე ყოფნითა და სოლიდური ბიზნეს კონცეფციით. ძალზე ბედნიერი და ამაყი ვარ, რომ ვმუშაობ ისეთ საერთაშორისო კომპანიაში, როგორიცაა TAV Airports-ი და ვარ TAV-ის ნაწილი“ - გვითხრა ქ-ნმა მელის ერქუნმა.

TAV Istanbul-ის განსხვავებული გამოცდილება ინტენსიური იურიდიული პროცედურების განხორციელებაში
პინარ ერგენეკონმა, TAV Istanbul-ის იურისტ-კონსულტანტი 2000 წლიდან, მაშინ როცა გაიხსნა სტამბულის ათათურქის აეროპორტის საერთაშორისო ტერმინალი, არის იმ ადვოკატებს შორის, რომლებსაც განსხვავებული გამოცდილება აქვთ როგორც პროფესიონალური, ასევე დარგობრივი თვალსაზრისით. ერგენეკონს აქვს გამოცდილება, რომელიც შეიძინა სახელმწიფო აეროპორტების გენერალურ დირექტორატში და მნიშვნელოვანი როლი შეასრულა სისტემის დანერგვაში. მან განაცხადა, რომ მათ გადალახეს ზოგადი რთული სიტუაციები და პრობლემების გადაჭრას თანამშრმლობით მიაღწიეს. ერგენეკონმა განაცხადა: „ყველა სიტუაციისთვის, რასთან პირისპირ შეჯახებაც მოგვიხდა, დავნერგეთ სხვადასხვა სისტემები სხვა გაერთიანებებთან ერთობლივი მოქმედებით. თითოეული ადამიანი, რომელიც მუშაობდა ახალი იყო ამ სექტორში ისევე როგორც TAV-ი, მაგრამ ჩვენ ერთობლივად ვმოქმედებდით 10-წლიანი პერიოდის განმავლობაში, რა დროსავ შევიძინეთ გამოცდილება და მივაღწიეთ მნიშვნელოვან წარმატებას. იურიდიულმა გუნდმა მნიშვნელოვანი როლი შეასრულა ამ მიღწევებში, რამაც თავის მხრივ განაპირობა კომპანიის წარმატება. იმის გამო, რომ ჩვენ ბევრ სხვადასხვა კომპანიებთან და საერთაშორისო ფირმებთან ვმუშაობთ, მათთან ერთად წარმატებების მისაღწევად გვჭირდება კანონის მხარდაჭერა. კანონის მნიშვნელობა უნდა განიხილებოდეს, არა მხოლოდ ბიზნესის, არამედ ასევე მუშაობის ხარისხის, კანონთან შესაბამისობის და დავების გადაწყვეტის პერსპექტივიდან. ამავე დროს უნდა გვესმოდეს, რომ მთავარი როლი პრობლემების გადაწყვეტაში, გადაწყვეტილების მიღების მექანიზმის მართვაში, სწორი მიმართულებების არჩევაში, დავების გაგრძელების თავიდან აცილებაში და თანხმობის მისაღწევად განხორციელებულ მუშაობაში ენიჭება სწორედ კანონს. დღევანდელ დღემდე ჩვენ არ გვქონია მნიშვნელოვანი სამართლებრივი პრობლემები აქ TAV Istanbul-ში. ეს კი შედეგია ჩვენი მენეჯერების ძალისხმევისა და ჩვენი რწმენისა, სისტემის დანერგვის მნიშვნელობის კუთხით, ასევე იმ ზრუნვისა, რის დემონსტრირებასაც ვახდენთ ერთიმეორის პრინციპების მჭიდრო კავშირისათვის იურისტ-კონსულტანტთან“.
ერგენეკონმა სამუშაო პროცესებზე, რომელსაც TAV Istanbul-ი ახორციელებს შემდეგი ინფორმაცია მოგვაწოდა: „პირველ რიგში რაც უნდა გაკეთდეს დავის წარმოშობის შესაძლებლობის დროს არის ის, რომ მასალა გადმომეცემა მე და მომეწოდება ინფორმაცია რისკის კომპანიების შესახებ. ის ერთეული, რომელიც გამოსცემს გაფრთხილებას, ამავე დროს არის ერთეული, რომელიც პასუხისმგებელია ამ გაფრთხილების შემდგომ შედეგებზე, მაგრამ მე ასევე ვახდენ წინასწარი მოსაზრების ფორმულირებას. თუ საკითხი მიიღებს სამართლებრივი საკითხის ფორმას, ის გახდება ჩემი პასუხისმგებლობის საგანი, რის შემდეგაც ჩემი მოვალეობაა საკითხის გადასაჭრელად გზის მოძებნა. როცა დავით გამოწვეული პრობლემა მოგვარდება, მე ინფორმაციას იმის შესახებ, თუ როგორ მოხდა საკითხის საბოლოო დასრულება, ვაწვდი შესაბამის უწყებებს და უმაღლეს ხელმძღვანელობას. ისევე როგორც ყველა კომპანიაში, რომლებიც ახორციელებენ ინტენსიურ მუშაობას მომსახურების სექტორში ეფუძნება ხელშეკრულებებს, კანონი ატარებს უდიდეს მნიშვნელობას TAV Istanbul-ისთვის. შესაბამისად, ხელშეკრულებათა და პროტოკოლების მომზადება მთლიანად ჩემს პასუხისმგებლობას წარმოადგენს. ამ ჩარჩოების ფარგლებში ჩვენ განვაგრძობთ მუშაობას იმ კომპანიებთან, რომლებიც TAV-ის ხელმძღვანელობით კოორდინირებულად მოქმედებენ მოთხოვნების შესასრულებლად“.

პინარ ერგენეკონი / იურიდიული მრჩეველი
TAV-ის ოჯახს ქ-ნი პინარ ერგენეკონი 2000 წლის აპრილში შეუერთდა და მას შემდეგ მისი სახელი მთელს თურქეთში ფართოდ გახდა ცნობილი და ავიაციის სფეროში სახელგანთქმულ ექსპერტთა შორის მოიხსენიება. ქ-ნი პინარი ამბობს, რომ TAV-ის ოჯახი TAV Group-თან ერთად იზრდება: „TAV Group-ის ზრდისათვის თვალყურის დევნება ძალზე სასიამოვნო და ამაღელვებელი პრიოცესია. ამ დიდი ოჯახის თითოეულ წევრს უდიდესი წვლილი აქვს შეტანილი ამ საერთაშორისო ბრენდის ჩამოყალიბებაში; მათ TAV Airports-ი ბავშვივით გამოზარდეს და მე ვამაყობ, რომ ამ წარმატების ნაწილი მეც ვარ“.

(*) პინარ ერგენეკონმა განათლება მიიღო ანკარის უნივერსიტეტის იურიდიულ ფაკულტეტზე, ამავე უნივერსიტეტის პოლიტიკურ მეცნიერებათა ფაკულტეტის ეკონომიკურ განყოფილებასა და ჰაჯეტეპეს უნივერსიტეტის ლიტერატურის ფაკულტეტის არქეოლოგიის განყოფილებაზე (წარჩინების ნიშნით) სწავლისას, რის შემდეგაც სწავლა გააგრძელა სარაევოს უნივერსიტეტის ეკონომიკის ფაკულტეტზე. მას ასევე წარჩინებით აქვს დამთავრებული ანკარის უნივერსიტეტის იურიდიული ფაკულტეტის საბანკო და კომერციული სამართლის კვლევითი ინსტიტუტის „კომერციული სამართლის პროფესიული სწავლების პროგრამის“ უმაღლესი კურსი და იმავე საბანკო და კომერციული სამართლის კვლევითი ინსტიტუტის „ევროპის საზოგადოებრივი სამართლის პროფესიული სწავლების პროგრამის“ უმაღლესი კურსი. 1997 – 2000 წლებში ქ-ნი პინარი მუშაობდა კავშირგაბმულობის სამინისტროს სახელმწიფო აეროპორტების მმართველობის გენერალურ დირექტორატში იურიდიული კონსულტაციის დეპარტამენტში.

იურისტ-კონსულტანტი იშილ იილმაზი და ადვოკატი ენგინ ოზოგული TAV Construction-ის იურიდიული გუნდის წევრები არიან. იურიდიული გუნდი კომპანიის ინსტიტუციონალური სტრუქტურის საპასუხისმგებლო ნაწილს წარმოადგენს, უზრუნველყოფს რა მის მდგრად განვითარებას ქვეყნის შიგნით და მის საზღვრებს გარეთ. იშილ იილმაზმა ადვოკატთა მნიშვნელობის შესახებ სტრუქტურის ფარგლებში აღნიშნა შემდეგი: „სამშენებლო კომპანიები სხვა ფირმებთან შედარებით ძალიან სწრაფად ვითარდება. ჩვენ ვმუშაობთ საინჟინრო ჯგუფებთან. ინჟინრები არ იცდიან ან ვერ იცდიან თავიანთი სამუშაოს სპეციფიკიდან გამომდინარე. ჩვენ, ადვოკატებმა უნდა შევძლოთ ფეხი ავუწყოთ მათ. მაშინ როცა ისინი ქვებს ალაგებენ, ჩვენ ვამზადებთ სამართლებრივ საფუძველს, რომელიც უზრუნველყოფს მათ უძლიერესი და ყველაზე კომფორტული დაცვით.
ჩვენს მიერ, როგორც იურიდიული კონსულტაციის დეპარტამენტის მიერ განხორციელებული სამუშაო უპირველესად შედგება კომპანიის ყოველდღიურ საქმიანობასთან დაკავშირებული საკითხების იურიდიული მომსახურების უზრუნველყოფით. როცა ყველა კომპანია ასრულებს თავის საქმიანობას, მმართველი საბჭო იღებს გადაწყვეტილებებს, ამზადებს მინდობილობებს, აფორმებს სხვადასხვა კორესპონდენციას და ჭირდებათ იურიდიული კონსულტაცია და განმარტება, ჩვენ უზრუნველვყოფთ ამ სახის საკითხების უმტკივნეულო გადაჭრას კომპანიის ყოველდღიური მუშაობის ფარგლებში. “
მეორე საკითხი უკავშირდება კონტრაქტების მენეჯმენტს. კონტრაქტის მომზადება არის პირველი ეტაპი კონტრაქტის მენეჯმენტის. როცა ინჟინერს მიაწოდებთ სიზუსტით შესრულებულ კონტრაქტს და განსაზღვრავთ სწორ სამარშრუტო რუკას მოცემული კონტრაქტის ფარგლებში, ინჟინერი მიმართავს მას როცა ის გადააწყდება გარკვეულ იურიდიულ საკითხებს მუშაობის პროცესში, ნახავს სამარშრუტო რუკას და თავად მოამზადებს საჭირო კორესპონდენციას მოცემული რეკომენდაციების შესაბამისად. ყოყმანის შემთხვევაში და როცა საექსპლუატაციო თუ იურიდიულ საკითხებს აწყდებიან, ისინი მოგვმართავენ ჩვენ და ჩვენს ვაწვდით მათ შესაბამის ინფორმაციას, ვრჩებით მათ მხარეზე როცა საჭიროა და კონსულტაციას ვუწევთ იურიდიულ საკითხებში. ჩვენ არ ვიღებთ კომერციული ხასიათის გადაწყვეტილებებს, მაგრამ განვიხილავთ კომერციული გადაწყვეტილებების შესაბამის იურიდიულ ფორმულირებას, უზრუნველვყოფთ მათთვის საფუძველს, ვმონაწილეობთ მოლაპარაკებების პროცესში კონტრაქტის მომზადების სტადიაზე, როცა საჭიროა კომპანიას წარმოვადგენთ საბკონტრაქტორების, დამქირავებლებისა და ორგანიზაციების წინაშე, კრედიტის წარმოდგენითა და კომპანიის ინტერესებთან დაკავშირებული მუხლებისა და პუნქტების კონტრაქტებში ჩართვის უზრუნველყოფით. ამ მიზნით თქვენ უნდა გქონდეთ იურიდიული ცოდნა და გესმოდეთ კომერციული ოპერაციების განხორციელების ძირეული საკითხები. სულ მცირე თქვენ უნდა გესმოდეთ კომერციული ლოგიკა.
ჩვენ ასევე პირადად პასუხისმგებელნი ვართ სარჩელისა და სასამართლო პროცესის შემდგომ წარმართვაზე. ჩვენ სარჩელებს არ გადავცემთ გარე ბიუროებს, როცა სარჩელი ეხება ჩვენი ცოდნის სფეროსთან დაკავშირებულ საკითხებს. როცა ჩვენ ჩვენს გარე კოლეგებთან ერთად ვმუშაობთ, სამუშაოს ვახორციელებთ პერიოდული ანგარიშის შესაბამისად. ყოველი წლის ბოლოს ვამზადებთ რისკის ანგარიშებს, რაც დაფუძნებულია სამუშაოზე, რომელიც ხორციელდება იურიდიული კონსულტაციის დეპარტამენტის მეთვალყურეობის ქვეშ და ვაცნობებთ გენერალური დირექტორატის შესაბამის ერთეულებს.
ჩვენ ასევე მკაცრად ვაკონტროლებთ კომპანიის შესაბამისობას კანონმდებლობასთან. როგორც სამართლებრივი რისკის მენეჯმენტის საპასუხისმგებლო ნაწილი, ჩვენ თვალყურს ვადევნებთ კანონმდებლობაში შეტანილ ცვლილებებს, ვაცნობებთ შესაბამის ერთეულებს ამ ცვლილებების შესახებ და რეკომენდაციას ვუწევთ შესაბამის დაზუსტებებს კომპანიის ფარგლებში, რაც საჭიროა ახალი იურიდიული ნორმებისთვის.
კიდევ ერთი მოვალეობა, რომელსაც ჩვენ ვასრულებთ არის საერთაშორისო არენაზე განხორციელებული კომპანიის საქმიანობის შემდგომი ღონისძიებები. როცა პროექტის განხორციელება იწყება, TAV Construction მაშინვე აცხადებს მობილიზაციას. ამ ეტაპზე შესაბამისი ქვეყნის სამართლებრივი ვითარება განსაზღვრულია. გადასაწყვეტია კომპანია გახსნის თუ არა ფილიალს ან ორგანიზაციას შერჩეულ ქვეყანაში. როგორ მოხდება თურქი მუშაკების ადგილზე გადაყვანა? რა სახის კონტრაქტები გაფორმდება? როცა ეს კითხვები ისმება ჩვენ უკვე ადგილზე ვართ, რათა ვიმოქმედოთ, რომ მათ პასუხები გაეცეს. კონტრაქტის გაფორმების შესახებ წინადადების განხილვის ეტაპზეც კი, როცა მზადდება ხელშეკრულებებიერთობლივი საქმიანობის შესახებ, ჩვენ უზრუნველვყოფთ, რომ კონტრაქტებში შეტანილ იქნას ის პუნქტები და მუხლები, რომლებიც დაიცავს კომპანიის ინტერესებს, ვითვალისწინებთ რა შესაძლო ინსტიტუტიონალიზაციის პროცესებს, და შემდგომ უკვე განვიხილავთ მათი სამარდლებრივი მართვის საკითხს. ჩვენ გავიცანით კოლეგები საზღვარგარეთ, მოვახდინეთ მათი შერჩევა, არჩევანი გავაკეთეთ საჭირო წინადადებებს შორის, ჩავატარეთ ინდივიდუალური გასაუბრება და მუშაობა დავიწყეთ იმ ხალხათან, რომლებიც ყველაზე მეტად იმსახურებდნენ ნდობას თავიანთი საუკეთესო კვალიფიკაციით. ჩვენ ბევრ კოლეგასთან ერთად ვთანამშრომლობთ შუა აღმოსავლეთში, ევროპასა და ჩრდილოეთ აფრიკაში. ყველა მათგანს უზრუნველვყოფთ სამართლებრივი რისკის მართვის ხელშეუხებლობით შტაბებში და მშენებლობის ადგილებში თანამშრბლობითა და შესაბამისი კოორდინაციის პირობებში”.

იშილ ილმაზი / იურიდიული მრჩეველი
იშილ ილმაზმა აღნიშნა, რომ TAV Construction-ი და TAV Airports-ი ტყუპი ძმაა, რომელთა ერთმანეთისგან გაცალკევება შეუძლებელია. „TAV Construction-ი და TAV Airports-ი ტყუპი ძმებია არიან“, - განაცხადა მან, - „ერთერთს თუ რაიმე წამოსტკივდა, მეორე მაშინვე გრძნობს მის ტკივილს. შესაბამისად, მათ შორის ჩამოყალიბებული კომუნიკაციაც ძალზე მჭიდრო და მყარია. როდესაც TAV Airports-ი იწყებს რაიმე პროექტზე მუშაობას, ჩვენ - TAV Construction-ი კარგად ვართ გაცნობილი იმ პირობებს, რომლებშიც ეს პროექტი შემუშავდა სულ თავიდანვე. როდესაც სამუშაო მშენებლობის ეტაპს მიაღწევს, ჩვენ უკვე შეთანხმებულად ვთანამშრომლობთ. ამასთან ერთად, ჩვენ ვადგენთ კონტრაქტებს ერთმანეთს შორის და ჩვენს ქმედებებს მათი დებულებების თანახმად განვსაზღვრავთ. ამ შემთხვევაში ძმობა ჩვენი პროფესიული ურთიერთობებისათვის დაბრკოლებას არ წარმოადგენს. ჩვენ ერთი დიდი მთლიანობის ორი ნაწილი ვართ და როცა ეს მთლიანი იმდენად დიდია, როგორც ეს ჩვენს შემთხვევაშია, მისი სულ მცირე ნაწილის მწყობრიდან გამოსვლაც კი პრობლემებს ქმნის; ამიტომაც სასიამოვნო და ჰარმონიული ერთობა, რომელიც ჩვენ შევქმენით, სწორედ იმ მკაცრად დაცული თანხმობის შედეგია, რომელსაც ჩვენ მივაღწიეთ და დავამყარეთ“.

(*) იშილ ილმაზმა ანკარის უნივერსიტეტის სამართლის ფაკულტეტი 1996 წელს დაამთავრა და ექვსი წლის განმავლობაში მუშაობდა დამოუკიდებელ იურისტად ანკარაში. 2003-2007 წლებში დაკავებული ჰქონდა Tepe Construction Industry Joint Stock Co.-ის იურიდიული მრჩეველის თანამდებობა. Ece Turkey Project Management Joint Stock Co.-ში მუშაობის შემდეგ, 2008 წელს იგი TAV-ის ოჯახის წევრი გახდა და დღემდე TAV Tepe Akfen Investment Construction and Operations Joint Stock Co.-ში მოღვაწეობს.

ენგინ ოზოღული / იურისტი
„სამშენებლო სექტორი ძალზე სწრაფად მოქმედი და სწრაფად განვითარებადი სექტორია, რომელიც ერთ ადგილზე არასოდეს ჩერდება. TAV Construction-ი TAV Group-ის შიგნით მიმდინარე ამ მუდმივი მოძრაობისა და განვითარების ამსახველი საუკეთესო მაგალითია. ეს დინამიზმი გუნდის ყველა ნაწილზე ანუ ყოველ ჩვენგანზე ერთნაირად ვრცელდება. გუნდისგან გამოყოფა რომ თავიდან ავიცილოთ, ყოველი ჩვენგანი ამა თუ იმ მოცემული პროექტის ტაქტში ერთხმად უნდა მოქმედებდეს. ჩვენ მზად უნდა ვიყოთ და ძალა უნდა შეგვწევდეს ჩვენი ჩვეული საქმიანობის გარდა უეცრად და მოულოდნელად გაჩენილ სასწრაფო საჭიროებებსაც გავუძღვეთ. მშენებლობის სფეროში კანონიც ისევე მუდმივ მოქმედებაშია, როგორც სამშენებლო პროცესები, მაგრამ ამას გარდა, იგი აქ მუდმივ განახლებას, ცვლილებებსა და გადახალისებასაც ექვემდებარება. იმისათვის, რომ მოვლენების შესახებ ახლებური ხედვა და ამ ხედვის შემუშავების მუდმივი უნარი ვიქონიოთ, დავინახოთ ის, რაც აქამდე არავის დაუნახავს და ყოველივეს გადაჭრის სხვადასხვა ხერხები მოვძებნოთ, დინამიური სტრუქტურა გვესაჭიროება. TAV Construction-ი ამ ყველაფერს წარმატებით უზრუნველყოფს“.

(*) ენგინ ოზოღულმა სტამბულის უნივერსიტეტის სამართლის ფაკულტეტი 2005 წელს დაამთავრა და Şahinler Holding Joint Stock Co.-ში ხანმოკლე საქმიანობის შემდეგ, 2007 წლამდე მუშაობდა Ciner Media Group-ში. 2007-დან 2008 წლამდე იგი მუშაობდა იურისტად Uçum Legal Bureau-ში, შემდეგ კი - 2008-დან 2009 წლამდე Alioğlu Legal Bureau -ში. TAV-ის ოჯახს ბ-ნი ოზოღული 2009 წელს შეუერთდა და დღესდღეობით Tepe Akfen Investment Construction and Operations Joint Stock Co.-ს იურისტია.

TAV OPERATIONS SERVICES-ის კონტრაქტის სპეციალსტი
რუშენ გურლუკი დაინიშნა კონტრაქტის ადვოკატად სააქცაო საზოგადოება TAV OPERATIONS SERVICES-ში, რომელიც განთავსებულია კომერციული საქმეების დეპარტამენტში. ისინი ახორციელებენ საკონსულტაციო მომსახურებას შემოსავლებთან დაკავშირებით, რომელიც შემოდის არააერონავიგაციული წყაროებიდან, როგორიცაა Havaş ტურიზმი და სამოგზაურო სააგენტო, რომელიც პასუხიხმგებელია ბილეთებზე, სასტუმროს დაჯავშნაზე და სხვადასხვა მოსამზადებელ საქმიანობაზე და „primeclass“-ზე, რომელიც უზრუნველყოფს განსაკუთრებული მგზავრების მომსახურებას. ამ სტრუქტურის ფარგლებში გურლუკი საკმაოდ ინტენსიურად მუშაობს. კონტრაქტები ტერიტორიის გამოყოფასა და სარეკლამო სივრცეზე, Havaş ტურიზმისა და სამოგზაურო სააგენტოს მიერ გაფორმებული ხელშეკრულებები, ასევე, კონტრაქტები „primeclass“-ის მომსახურების პაკეტებით უზრუნველყოფასთან დაკავშირებით და განსაკუთრებილი მგზავრების მოსაცდელი დარბაზის ექსლუატაცია - ყველაფერი ეს გურლუკის პასუხისმგებლობის საგანს წარმოადგენს. ის ასევე მართავს კომპანიის ყველა სასამართლო საქმიანობას.
გურლუკი გვთავაზობს ინფორმაციას საკუთარი საქმიანობის მოცულობაზე: „გარდა იმისა, რომ დაკავებული ვარ მოსმენებითა და პროცედურებით სააქციო საზოგადოება TAV OPERATIONS-ის მიერ ვისაც წარმოვადგენ, აღძრულ ან კომპანიის წინააღმდეგ აღძრულ სარჩელებთან დაკავშირებით, ასევე სასამართლო პროცესებით, მე პასუხისმგებელი ვარ ყველა კონტრაქტის მომზადებაზე სარეკლამო სივრცისა და კომერციული ფართის დაქირავებასთან დაკავშირებით, „primeclass“-ის მგზავრთა მოსაცდელი დარბაზის ექსპლუატაციაზე, Prime Pack-ის მომსახურების პაკეტით უზრუნველყოფაზე და Havaş ტურიზმისა და სამოგზაურო სააგენტოს მიერ სხვადასხვა კომპანიებთან განხორციელებულ ბილეთებთან, სასტუმროს დაჯავშნასთან და სხვა მოსამზადებელ საქმიანობასთან დაკავშირებულ პროცედურებზე. ამავე დროს ვამზადებ კონტრაქტებს კომპანიის მიერ საზღვარგარეთ განხორციელებულ საქმიანობასთან დაკავშრებით. ყველ ამ ამოცანას ვახორციელებ TAV Holding-სა და TAV-ის სხვა მონათესავე ორგანიზაციებში მომუშავე ადვოკატებთან მჭიდრო ურთიერთთანამშრობლობით“. ბატონმა გურლუკმა აღნიშნა, რომ კონტრაქტები ძალიან მნიშვნელოვანია საქმიანობის წარმატებულად გაგრძელების უზრუნველსაყოფად და რომ ისინი უნდა მომზადდეს განსაკუთრებული ყურადღებით და სიზუსტით: „ჩვენ ვცდილობთ კონტრაქტები მოვამზადოთ ისე, რომ მოიცავდეს ყველა ძირეულ რისკს და რისკების მინიმიზაციით ჩვენ ძალღონეს არ ვიშურებთ, რომ უზრუნველვყოთ სამართლებრივი უსაფთხოება. როცა ბიზნესი ხორციელდება ყოველგვარი პრობლემის გარეშე, არავინ ფიქრობს კონტრაქტის დამცავ მექანიზმზე. კონტრაქტი არის დაზღვევა, რომელიც კომპანიას იცავს დავის წარმოშობის შემთხვევაში; ის არის ერთ-ერთი ყველაზე მნიშვნელოვანი ინსტრუმენტი კომანიის სამართავად “.

რუშენ გიურლუქი / კონტრაქტების სპეციალისტი
TAV-ის ოჯახთან ურთიერთობაზე ქ-ნი რუშენ გიურლუქი თავის აზრს ასე გამოხატავს: „TAV Operations Services-ი, რომელიც TAV Airports-ის სასიცოცხლო ერთერთი ორგანოა, მისი სტრუქტურის ფარგლებში მრავალ ბიზნეს ორგანოს უძღვება, მათ შორის „პრაიმკლასის“ მომსახურებას და Havaş Tourism and Travel Agency-ს და დღითიდღე სულ უფრო აღრმავებს და აფართოებს თავის გამოცდილებას ამ სფეროში, ამასთან ერთად კი თურქეთსა და სამიზნე რეგიონებში მისი კომპეტენციისა და გავლენის სფეროც სულ უფრო იზრდება. TAV-ი - ეს არის უზარმაზარი გამოცდილების მქონე ერთი დიდი ოჯახი, რომლის საქმიანობაც საერთაშორისო დონეზე ხორციელდება. იგი ძალზე დინამიური ადამიანების მიერაა შექმნილი, რომლებსაც ამ ეტაპზე მათ მიერ გაწეული მთელს სამუშაოს მრავალ განზომილებაში განხილვა შეუძლიათ. მე ვამაყობ იმით, რომ ამ ოჯახის წევრი ვარ“.
(*) რუშენ გიურლუქმა Dokuz Eylül University უნივერსიტეტის იურიდიული ფაკულტეტის დამთავრების შემდეგ სწავლა (2000 წელს) Marmara University უნივერსიტეტის ევროპული საზოგადოების ინსტიტუტში (Institute of European Community) განაგრძო და პარალელურად რადიო სადგურში დაიწყო მუშაობა, 2002 წელს კი, სწავლის დამთავრების შემდეგ, პროფესიულ კარიერას შეუდგა. TAV-ის ოჯახს ქ-ნი გიურლუქი 2008 წელს შეუერთდა TAV Operations Services Joint Stock Co.-ის თანამშრომელთა რიგებში. მისი სამსახურის ბუნებიდან გამომდინარე, ქ-ნ გიურლუქს ძირითადად არასაავიაციო საქმიანობებიდან მიღებულ შემოსავლებთან დაკავშირებულ კონტრაქტებთან უხდება შეხება.

HAVAŞ-ის ღრმადფესვგადგმული სამართლებრივი კორპორატიული გამოცდილება
ჩიგდემ ჯანმა თავისი პროფესიონალური კარიერა დაიწყო როგორც იურისტ-კონსულტანტმა HAVAŞ-ის პრივატიზების შემდეგ, პირველი კომპანია თურქეთში, რომელიც უზრუნველყოფს სახმელეთო მომსახურებას. იგი თავის მოვალეობებს, როგორც HAVAŞ-ის იურისტ-კონსულტანტი ასრულებს 1995 წლის მაისიდან. კომპანიის წინააღმდეგ და კომპანიის მიერ მესამე მხარის წინააღმდეგ აღძრული ყველა სარჩელის მომდევნო ღონისძიებები, პროცედურების განხორციელება მმართველი საბჭოს მიერ მიღებული გადაწყვეტილებების რეგისტრაციასთან დაკავშირებით სავაჭრო რეესტრში, ყველა კონტრაქტის მათ შორის ყიდვა/გაყიდვის და კომერციული ხელშეკრულებების აუდიტი, მათი სამართლებრივი მოქმედების ვადის განხილვა და პროცედურების შემდგომი ღონისძიებების, რაც დაკავშირებულია პროცედურების შესაბამისობის განსაზღვრასთან არის იმ საქმიანობათა შორის, რომელიც ხორციელდება იურიდიული კონსულტაციის დეპარტამენტის პასუხისმგებლობით.
გარდა ზემოთჩამოთვლილი მოვალეობებისა, იურიდიული ვალდებულებებისა და ვადების შესაბამისად ყველა შემდგომი ღონისძიების განხორციელების დროს ჩვენ არ ვიშურებთ ძალისხმევას, რომ ჩვენი კომპანია დავიცვათ არასამართლიანი სანქციების დაწესებისგან ყველა საკითხის განხილვით, რამაც შესაძლოა გამოიწვიოს მატერიალური და/ან მორალური პასუხისმგებლობა ნებისმიერი მიზეზით.

ალიე ჩიღდემ ჯანი / იურიდიული მრჩეველი
„“ჰავაში“ - ეს ის კომპანიაა, რომელიც ამ სფეროში მოღვაწე ორგანიზაციებს შორის ყველაზე ადრე დაიწყო სახმელეთო მომსახურებების გაწევა თურქეთში და თავისი ძალზე ხანგრძლივი გამოცდილებითა და მაღალკვალიფიცირებული კადრებით ყველაზე ღრმადაც აქვს ფესვები გადგმული ამ საქმიანობაში. მისი დაარსებიდან დღემდე, კომპანიის მიერ გაწეული მომსახურებების სპეციფიკიდან გამომდინარე, რომელიც როგორც სტრუქტურულ, ასევე იურიდიულ ხასიათს ატარებს, „ჰავაში“ ყოველთვის იყო დაკომპლექტებული გენერალური მენეჯერის დაქვემდებარებაში არსებული იურიდიულ მრჩეველთა გუნდით. „ჰავაშს“, რომელიც ყველაზე წარმატებული კერძო ორგანიზაციაა, რომელიც კი ოდესმე დაარსებულა თურქეთში, 1995 წელს შევუერთდი და იმ დღიდან ვუწევ მას იურიდიულ კონსულტაციებს იურიდიული მრჩეველის როლში. „ჰავაშმა“ კერძო სექტორში შესვლის მთელი სიძნელეები ჩემს თვალწინ გაიარა და ის, რომ მე მისი ძნელბედობის ჟამს გვერდით ვედექი ჩემს კომპანიას და ეს ისეთი გამოცდილებაა, რომლის გადმოცემაც სიტყვებით ძნელია, განსაცდელად კი ძალზე საამაყო და ამაღელვებელი. 1999 წლიდან მოყოლებული ჩვენ ყურადღებით ვადევნებდით თვალს TAV Airports-ის განვითარებას და დღეს მისი იურიდიული მოთხოვნების შესრულებით უფრო დიდი მთლიანობის ერთ ნაწილს წარმოვადგენთ. მიხარია, რომ TAV Group-ის წევრად ვითვლები - ჯგუფისა, რომელიც სერიოზულ საერთაშორისო ბრენდად ჩამოყალიბდა“.
(*) სტამბულის უნივერსიტეტის სამართლის ფაკულტეტის დამთავრების შემდეგ ჩიღდემ ჯანმა, 1995 წელს მუშაობა დაიწყო Havaş Airports-ისა და Ground Handling Services Joint Stock Co.-ის იურიდიულ მრჩეველად და დღემდე აგრძელებს მოღვაწეობას ამ თანამდებობაზე TAV-ის ოჯახის შემადგენლობაში.

TAV ESENBOĞA-ს დინამიური სამართლებრივი მიდგომა იასემინ არიქან ილდიზჯა / იურიდიული მრჩეველი
ქ-ნი არიქანი ამბობს, რომ ანკარას ესენბოღას აეროპორტში მუშაობა ახალგაზრდა და დინამიური პერსონალის გვერდიგვერდ მიმდინარეობს, რომლებიც თავიანთი მაღალი დონის მომსახურებით განსხვავებულ ამინდს ქმნიან აეროპორტში. „ჩვენ დაწვრილებით განვიხილავთ კლიენტების მიერ გამოთქმულ უკმაყოფილებებს და იურიდიულ საკითხებთან დაკავშირებით წარმოქმნილ დავებს და ვახდენთ მათს შეფასებას, უპირველესად კი მათ მოგვარებას შეთანხმების საფუძველზე ვცდილობთ“, - ამბობს ქ-ნი არიქანი, - „TAV-თან თანამშრომლობა შესაძლებლობას იძლევა, ცხოვრებას უფრო ფართო პერსპექტივიდან შეხედო; საერთაშორისო კომპანიაში მუშაობა პატივია, მაგრამ ამავდროულად პიროვნული განათლება-განვითარების მნიშვნელობა, მეტი რომ არ ვთქვათ, ასევე დიდად მნიშვნელოვანია; TAV Airports-ი, როგორც მსოფლიო ბრენდი მუდმივად იზრდება, და ასევე იზრდება და ვითარდება მისი პერსონალიც“.
(*) იასემინ არიქან ილდიზჯამ ანკარის უნივერსიტეტის იურიდიული ფაკულტეტი 1980 წელს დაამთავრა და ადმინისტრაციული და კერძო სამართლის საკითხებზე დამოუკიდებელ იურისტად მუშაობის პერიოდში შექმნა ახალი კანონმდებლობა თურქეთის ისტორიაში პირველი საავტომობილო სპორტის ფედერაციის, მანქანის მართვის დახვეწილი ტექნიკის ტრენინგის პროგრამებისა და გამოსაცდელი ფორმულის მანქანებისა და რბოლებისათვის. 1996 – 2000 წლებში ქ-ნი არიქანი საკონსულტაციო მომსახურებას უწევდა Tepe Group-ს. 1996 წლიდან მოყოლებული დღემდე იგი მუშაობს TAV Esenboğa-ს იურიდიულ მრჩევლად.

TAV GROUP-ის საზღვარგარეთული იურიდიული ძალა

TAV GROUP-ს, რომელსაც, მის მიერ განხორციელებული პროექტებისა და ტერმინალების ოპერირების წყალობით სამართლიანად უკავია წამყვანი ადგილი საავიაციო ინდუსტრიაში მსოფლიოს მასშტაბით მოქმედ კომპანიებს შორის, ადგილობრივად იურისტთა მძლავრი გუნდი უმაგრებს ზურგს, რაც საერთაშორისო ბიზნესში რისკების მენეჯმენტის მნიშვნელოვანი კომპონენტია. და სწორედ ასეთია TAV-ის საზღვარგარეთული იურისტთა გუნდი და მისი იურიდიული ძალა!

TAV Géorgie
თამარ პიროგოვა / იურისტი
ქ-ნი პიროგოვა TAV-ის ოჯახის წევრთა რიგებშია TAV-ის მიერ საქართველოში საქმიანობის დაწყების პირველივე დღეებიდან; როდესაც TAV-თან მისი თანამშრომლობის შესახებ ვკითხეთ, ქ-ნმა პიროგოვამ თავისი შთაბეჭდილება შემდეგნაირად აგვიწერა: „მას შემდეგ, რაც TAV-ის ოჯახის წევრი ვარ, კომპანიის მართვის სხვადასხვა ეტაპზე ვასრულებდი მის მიერ განხორციელებულ მართვა-ოპერირებასთან დაკავშირებულ და მისთვის საჭირო სხვადასხვა მოვალეობებს. ძალზე მოხარული ვარ, რომ შევძელი ჩემი ცოდნა და გამოცდილება ჩემი კომპანიისათვის მომეხმარებინა და ეს ყველაფერი მისთვის დიდად სასარგებლო გამოდგა. TAV-ის ოჯახის წევრთა რიგებში ყოფნა ერთი დიდი ინტერნაციონალური ოჯახის წევრობას ნიშნავს, რითიც ამ ეტაპზე ძალიან ვამაყობ და ვიმედოვნებ, ჩემი ამ ოჯახში ყოფნა მომავალშიც პროდუქტიული იქნება“.
(*) თამარ პიროგოვას მაგისტრის ხარისხი მოპოვებული აქვს თბილისის სახელმწიფო უნივერსიტეტის სამართლის ფაკულტეტზე, რომლის პარალელურადაც დაამთავრა უცხო ენათა ინსტიტუტის ინგლისური ენისა და ლიტერატურის ფაკულტეტი. 2004 წ. მუშაობა დაიწყო თბილისის საერთაშორისო აეროპორტში და ამავდროულად გაიარა ავიაციის ინსტიტუტის მიერ ორგანიზებული მგზავრთა მომსახურების კურსი.

TAV Batumi
ქეთო საფარიძე / იურისტი
(*) მაქსიმ გორკის სახელობის სახელმწიფო უნივერსიტეტის სამართლის ფაკულტეტის დამთავრებისა და 5 წლის განმავლობაში საქართველოს შინაგან საქმეთა სამინისტროში მკვლევარის სტატუსით მუშაობის შემდეგ ქ-ნმა ქეთო საფარიძემ მუშაობა განაგრძო აჭარის ავტონომიური რესპუბლიკის შინაგან საქმეთა სამინისტროში საზოგადოებრივი უსაფრთხოების სამართლის სფეროში. ბათუმში თურქეთის რესპუბლიკის გენერალური საკონსულოს მეშვეობით მან მოიპოვა მაგისტრის ხარისხი ანკარის უნივერსიტეტში და 2008 წელს შეუდგა თავისი მოვალეობების განხორციელებას TAV-ში.
ქ-ნი საფარიძე TAV Georgia-ს სხვა იურისტებთან კოორდინირებული მუშაობით წარმართავს სამართლებრივ პროცედურებს ბათუმის აეროპორტში. TAV-თან თანამშრომლობის შესახებ ქ-ნი საფარიძე ამბობს: „ძალზე მოხარული და ბედნიერი ვარ, რომ ვმუშაობ ისეთ პრესტიჟულ საერთაშორისო კომპანიაში, როგორიცაა TAV-ი. იმ გამოცდილების წყალობით, რომელიც აქ მუშაობისას შევიძინე, საშუალება მომეცა გამეფართოებინა ჩემი ცოდნა საერთაშორისო სამართლის სფეროში. უფრო მეტიც, აქ მე პიროვნებათაშორისი ურთიერთობების უნარ-ჩვევებიც დავხვეწე და გავიუმჯობესე. ეს ყოველივე მაძლევს უფლებას, თავი ძალიან იღბლიან ადამიანად მივიჩნიო“.

TAV Tunisie
კაჰენა მამლუქი / იურიდიული საბჭოს მენეჯერი
ქ-ნმა კაჰენა მამლუქმა TAV-თან თანამშრომლობის შესახებ გვითხრა: „მიუხედავად იმისა, რომ ეს ჩემთვის პირველი საერთაშორისო კომპანია არ არის, რომელშიც მე მიმუშავია, ძალიან ვამაყობ იმით, რომ TAV Group-ისა და TAV-ის ოჯახის წევრი ვარ; მათი საქმიანობა და მასშტაბები ყველა ჩვენგანისაგან ყოველდღიურად სულ უფრო მეტ ზრდას, მეტის სწავლას და დახვეწს მოითხოვს“.
(*) კაჰენა მამლუქი TAV Tunisia-ის იურიდიული საბჭოს მენეჯერად 2007 წლის ივლისში დაინიშნა. პროფესიული კარიერა ქ-ნმა კაჰენამ 2002 წელს დაიწყო Gide Loyrette Nouel Paris-ში და 2002 წლიდან Gide Loyrette Nouel Tunisia-ში გააგრძელა. 2003 წელს იგი გახდა ტუნისის ადვოკატთა ასოციაციის წევრი. ქ-ნმა კაჰენამ ტუნისის უნივერსიტეტი 1994 წ. დაამთავრა ბაკალავრის ხარისხით ლიტერატურაში, შემდეგ კი მოიპოვა ასევე ბაკალავრის ხარისხი ტუნისის უნივერსიტეტის (University of Tunis II) იურიდიულ, პოლიტიკურ და სოციალურ მეცნიერებათა ფაკულტეტზე საზოგადოებრივ სამართალში (1997 - 1998 წწ.). ქ-ნ კაჰენას შესრულებული აქვს სადოქტორო ნამუშევარი საზოგადოებრივ სამართალში საზოგადოებრივი და კერძო პარტნიორობის შესახებ ტუნისის კანონმდებლობის ფარგლებში, რომელიც ამჟამად განიხილება პარიზის უნივერსიტეტში (University of Paris II).

ფატმა მეჰირი / იურიდიული მრჩეველი
ქ-ნი მეჰირი ამბობს, რომ ამაყობს იმით, რომ იგი TAV Group-ის კომპანიების ნაწილია TAV-ის საქმიანობაში ჩართულობა მისთვის ცოდნის გაღრმავებისა და წინსვლისათვის ნამდვილად კარგი შესაძლებლობაა.
(*) ფატმა მეჰირი TAV Tunisia-ის იურიდიულ მრჩეველად 2008 წლის ოქტომბერში დაინიშნა. პროფესიული კარიერა ქ-ნმა ფატმა მეჰირმა 2004 წელს დაიწყო Me Cherif Materi-ში, ხოლო შემდეგ, 2006 წ. ACR (Avocats Conseils Réunis)-ში გააგრძელა. 2003 წელს იგი გახდა ტუნისის ადვოკატთა ასოციაციის წევრი. ქ-ნმა მეჰირმა ტუნისის უნივერსიტეტი (l–Tunis) 1993 წ. დაამთავრა ბაკალავრის ხარისხით, შემდეგ მოიპოვა ბაკალავრის ხარისხი ასევე ტუნისის უნივერსიტეტის (University of Tunis II) იურიდიულ, პოლიტიკურ და სოციალურ მეცნიერებათა ფაკულტეტზე კერძო სამართალში (1997 - 1998 წწ.) და მაგისტრის ხარისხი - (DEA) - ბიზნეს სამართალში ტუნისის უნივერსიტეტის (University of Tunis II) იურიდიულ, პოლიტიკურ და სოციალურ მეცნიერებათა ფაკულტეტზე (1999 - 2002 წწ.).

იჩრაკ აიედი / იურიდიული მრჩეველი
„ჩემთვის ტუნისში განხორციელებულ ასეთ მნიშვნელოვან პროექტში მონაწილეობა საუკეთესო შესაძლებლობაა“, - ამბობს ქ-ნი აიედი TAV-თან თანამშრომლობის შესახებ თავისი შთაბეჭდილების გაზიარებისას, - „ამან საშუალება მომცა ხორცი შემესხა ჩემი ცოდნისათვის იურისპრუდენციაში და შემეძინა გამოცდილება, რომელთან ერთადაც ყოველდღიურად ვიზრდები, უფრო მეტს ვსწავლობ და ვიხვეწები. ძალიან ვამაყობ, რომ TAV Group-ისა და ამ ოჯახის წევრი ვარ, მათთან თანამშრომლობა სიამოვნების მომნიჭებელი შრომაა, რომელსაც ჩემთვის კეთილი ნაყოფი მოაქვს“.
(*) იჩრაკ აიედი TAV Tunisia-ის იურიდიულ მრჩეველად 2008 წლის ოქტომბერში დაინიშნა. პროფესიული კარიერა იჩრაკ აიედმა 2004 წელს დაიწყო, როგორც უნივერსიტეტის სამართლის ლექტორმა და ადვოკატმა ტუნისის ადვოკატთა ასოციაციაში. ბაკალავრის ხარისხი ქ-ნმა იჩრაკ აიედმა მოიპოვა მაჰდიას უნივერსიტეტის ლიტერატურის ფაკულტეტზე სწავლისას (1996 წ.), შემდეგ უკვე - კერძო სამართალში (2000 წ.) და მაგისტრის ხარისხი - ასევე კერძო სამართალში (2004 წ.), ტუნისის უნივერსიტეტის სამართლისა პოლიტიკურ მეცნიერებათა ფაკულტეტის კონტრაქტებისა და ინვესტირების განყოფილებაზეს წავლისას. ქ-ნი აიედის საერთაშორისო ინვესტიციების თავისუფლებისადმი მიძღვნილი სადოქტორო თემა საერთაშორისო სამართალში დღესდღეობით პარიზის სორბონას უნივერსიტეტში განიხილება (University of Paris I Panthéon- Sorbonne).

ნაჟალ ქალელი / იურიდიული მრჩეველი
იურისტის ბაკალავრის ხარისხი ქ-ნმა ნაჟალმა მოიპოვა ტუნისის უნივერსიტეტის (University of Tunis II) იურიდიულ, პოლიტიკურ და სოციალურ მეცნიერებათა ფაკულტეტზე სწავლისას (2005-2006 წწ.), ხოლო მაგისტრის ხარისხი ბიზნეს სამართალში - (DEA) (2008-2009 წწ.). TAV-თან თანამშრომლობის გამოცდილებას იგი ასე აღგვიწერს: „იყო ნაწილი საერთაშორისო მნიშვნელობისა და სტატუსის მქონე მსოფლიო მასშტაბის სახელის მქონე კომპანიისა, რომელიც ქვეყანაში მაღალი მიზნების მქონე პროექტებს ახორციელებს, ერთდროულად გამოწვევაცაა და სიამაყის წყაროც. როგორც ამ კომპანიის იურისტთა გუნდის წევრი, ვიმედოვნებ, რომ მომავალში კიდევ უფრო გავიზრდები და მეტ პროგრესს მივაღწევ“.
(*) ნაჟალ ქალელი TAV Tunisie-ის იურიდიულ მრჩეველად 2010 წლის იანვარში დაინიშნა. პროფესიული კარიერა ქ-ნმა ნაჟალმა ტუნისის ბიზნეს სამართალში სპეციალიზებულ იურიდიულ ფირმა DHavocats-ში დაიწყო. 2006 წელს მან გაიარა სტანდარტიზაციისა და საწარმოო ქონების ეროვნული ინსტიტუტის მიერ ორგანიზებული სწავლების პროგრამა და 2009 წლის ივნისში მიღებულ იქნა ტუნისის ადვოკატთა ასოციაციაში.

TAV Macédoine
მერი ნედევი / იურიდიული მრჩეველი
ქ-ნი ნედევი, რომელსაც დღეისათვის ავიაციის სფეროში მუშაობის უკვე 16-წლიანი გამოცდილება აქვს, TAV-ის ოჯახს გასული წლის მარტში შეუერთდა და ახლა ამ მსოფლიო მასშტაბის სახელის მქონე კომპანიაში მუშაობით კმაყოფილებას ასე გამოხატავს: „მე ვამაყობ ისეთ ძლიერ და სახელოვან საერთაშორისო კომპანიასთან თანამშრომლობით, როგორიცაა TAV-ი. მწამს, რომ ჩემთვის ამ კომპანიაში მუშაობას დიდი უპირატესობები გააჩნია როგორც პიროვნული, ასევე პროფესიული ზრდის თვალსაზრისით და ჩემის მხრით ყველა ღონეს ვიხმარ, რომ TAV Group-ისათვის ნამდვილად ღირებულ კადრს წარმოვადგენდე და მთელ ჩემს ძალღონეს მოვახმარ იურიდიული საკითხების ისე წარმართვას, როგორც ეს კერძოდ მაკედონიისათვის იქნება საჭირო“.
(*) იურიდიულ ფაკულტეტ დამთავრებულმა ახალგაზრდა იურისტმა მერი ნედევმა მუშაობა დაიწყო მაკედონიის რესპუბლიკისა და სახელმწიფო ორგანოებისათვის მმართველობითი, საორგანიზაციო და საკოორდინაციო მომსახურების გაწევა ორგანიზაციების მენეჯმენტის/დირექტორთა საბჭოების დონეზე. იგი დღესაც აგრძელებს სწავლას სკოპიეს წმ. კირილესა და მეთოდეს სახელობის უნივერსიტეტში.

ანეტა ნასევა ჯავდარი / იურიდიული მრჩეველი
TAV Macedonia-ში მუშაობის გამოცდილებას ქ-ნი ნასევა ჯავდარი ასე აღგვიწერს: „დიდად ვაფასებ საერთაშორისო კომპანიასთან თანამშრომლობის ამ შანსს, რომელიც TAV-ში მუშაობით მომეცა და ვიმედოვნებ, რომ სკოპიეს აეროპორტი მთელს რეგიონში საუკეთესო საერთაშორისო აეროპორტად იქცევა“.
(*) უკვე 17 წელია ანეტა ნასევა ჯავდარი Airports-ის გუნდის წევრია, 2010 წლის მარტში კი იგი TAV Macedonia-ს შეუერთდა.