NewsPort

შინაარსი
თავფურცელი
CEO-საგან
მოგზაურობათა
თავფურცელის თემა
რისკი და კონტროლი
მუშაობის გეზი
საავიაციო სექტორის
მართვა
„თავ“ ის სამყარო » ყველაფერი TAV მობილურში ISE–ის უმაღლესი ქულა რა ხდება TAV კორპორატიულ პორტალზე? TAV–ს პრიზით ექვს კატეგორიაში აჯილდოვებენ TAV კერძო უსაფრთხოების თანამშრომელთა ახალი სერთიფიკატები TAV- ის მეხანძრეები შეხვედრა ჩემპიონ მფრინავებთან 55 წელი სტამბულის ათათურქის სახელობის აეროპორტში “ეს სტამბულია” – ფოტოგამოფენა ტავ-ის ვარსკვლავი ბავშვებისთვის ანათებს
პროფესიონალი
ხელებით შექმნილი სასწაული
სამოგზაურო ბარგი
მდგრადი განვითარების
მთლიანი ჯაჭვის ერთ-ერთი რგოლი
ტექნოლოგია
დღიური » თავ - მუსიკა თავ - დივიდი თავ - გამოფენა თავ-ჩვენი ადგილები თავ-ჩვენი ადგილები
აქტიური ცხოვრება » შეხვედრა ხელოვნებასთან TAV სახელოსნოში დაივინგი მუდმივ სწავლას ნიშნავს
რეზიუმე

ეფექტური გასაუბრების ჩატარება და სწორი გადაწყვეტილებების მიღება პერსონალის დაქირავების

გასაუბრება სანდო მეთოდია, თუკი მეტად იქნება დაცული სწორი სისტემატიკა და თავიდან იქნება აცილებული ინტერვიუერთა მიერ დაშვებული გავრცელებული შეცდომები და ნაკლებად დავეყრდნობით „ხასიათების კარგად ამომცნობ“ ინტერვიუერს

გასაუბრებისას აპლიკანტის გარკვეული თვისებების გამორკვევისა და პერსონალის დაქირავების პროცესში მათი შესაბამისობის შეფასების ძირეულ მეთოდს წარმოადგენს გასაგებად აღაწერინო მათ საკუთარი თავი CV-ის მეშვეობით და დამატებითი კითხვების საშუალებით განსაზღვრო მათი გამოსადეგობა ორგანიზაციის საჭიროების, გუნდისა და თანამდებობისათვის პერფორმანსისა და კომუნიკაციის მხრივ. კანდიდატის ტექნიკური ცოდნისა და უნარების, გამოცდილების, მოტივაციის ფაქტორების, მიღწევების, ჩავარდნებისა და კარიერული მიზნების გაცნობისას ინტერვიუერი ასევე აცნობს აპლიკანტს ორგანიზაციასა და კონკრეტულ სამსახურს.

ინტერვიუერს მოეთხოვება იმოქმედოს იმის გაცნობიერებით, რომ ის თავის კომპანიას წარმოადგენს. მნიშვნელოვანია, რომ ინტერვიუერი სასიამოვნო, თავაზიანი, დამარწმუნებელი, კომფორტის შემქმნელი იყოს და აუცილებლად მიუკერძოებელი, ობიექტური და განურჩეველი, კარგად უნდა იყოს მომზადებული გასაუბრებისათვის, გააჩნდეს კომპანიისა და კონკრეტული სამსახურის შესახებ სათანადო ცოდნა, უნდა უსმინოს აპლიკანტს აქტიურად და გააკეთოს ჩანაწერები. პირადად ინტერვიუერთა ტენდენციებიდან, პირადი შეხედულებებიდან და ღირებულებათა შეფასების კრიტერიუმებიდან გამომდინარე სოციალური და ფსიქოლოგიური ხასიათის შეცდომებმა შესაძლოა უარყოფითი გავლენა იქონიოს გასაუბრების პროცესსა და მიღებულ გადაწყვეტილებაზე. აპლიკანტის შესახებ შექმნილი ერთი პოზიტიური შთაბეჭდილების განზოგადება და ჩათვლა იმისა, რომ ეს ამ პიროვნების ყველა მხარეს ეხება, „ორეოლის ეფექტის“ სახელწოდებითაა ცნობილი. მსგავსად ამისა, ინტერვიუერის მიერ აპლიკანტის მიერ დატოვებული უარყოფითი შთაბეჭდილების მის ყველა თვისებაზე გადატანას „რქის ეფექტს“ უწოდებენ.

ინტერვიუერთა მიერ აპლიკანტების სტანდარტიზაციას, რასაც საფუძვლად უდევს შეზღუდული წინასწარი ვარაუდები, „სტერეოტიპირება“ ეწოდება. კიდევ ერთი გავრცელებული შეცდომა, რომელსაც ინტერვიუერები უშვებენ, არის ის, რომ მათი მსგავსი ერთნაირი მონაცემების (განათლება, გარეგნული იერი და გარემო) მქონე აპლიკანტებს ისინი უფრო ძლიერ კანდიდატებად თვლიან, რადგანაც ისინი მათ ჰგვანან და მათს სიმპათიებსაც იმსახურებენ. ინფორმაციას, უნარებს, მსგავსებებსა და განსხვავებებს, რომლებსაც მოცემულ სამსახურთან არანაირი კავშირი არა აქვთ, ყურადღება არ უნდა მიექცეს და არ უნდა იქონიოს გავლენა გასაუბრების შედეგებზე. ინტერვიუერმა სტანდარტულ შეკითხვებსა და შეფასებებს არ უნდა გადაუხვიოს და საერთო და ობიექტური მიდგომა უნდა შეინარჩუნოს.

გასაუბრების დროს დაშვებული სხვა ძირითადი შეცდომები, რომლებმაც გავლენა შეიძლება იქონიონ პერსონალის დაქირავების გადაწყვეტილებებზე, მოიცავს დამატებითი ინფორმაციის პირველი შთაბეჭდილების მიერ დაჩრდილვას, სხეულის ენაზე დამყარებული მინიშნებებისათვის ზედმეტი მნიშვნელობის მიცემას, საკმარისი დროის უქონლობას, იმ აპლიკანტისათვის უპირატესობის მინიჭებას, ვინც სხვა აპლიკანტებზე უკეთესი ჩანს, თუმცა მაინც ბოლომდე არ შეეფერება მოცემულ სამსახურს, გასაუბრების დეტალების დავიწყებას იმის გამო, რომ შენიშვნები არ გაკეთდა, აპლიკანტისათვის საკმარისი საშუალების არმიცემას, გამოეხატა საკუთარი თავი, რადგანაც ინტერვიუერმა ძალიან დიდი დრო დაუთმო საუბარს და წამყვანი კითხვების დასმას. შეფასების სხვადასხვა მეთოდების შეჯერება (უნარების/პიროვნულობის გასარკვევი ტესტები, ტექნიკური უნარების შემაფასებელი გამოცდები, პრეზენტაციები, სიმულირებული წარმოდგენები და ა.შ.), ერთზე მეტ ინტერვიუერთან კონსულტაცია, სტრუქტურირებული მოლაპარაკების ფორმების გამოყენება და კომპეტენტურობასა და სამსახურის მოვალეობათა აღწერილობის გათვალისწინება წარმოადგენს ზოგიერთ მნიშვნელოვან ნაბიჯს, რომელთა გადადგმა შესაძლებელია შეფასების პროცესში.

ყველასთვის საკმაოდ ძნელია, და შესაბამისად, ინტერვიუერთათვისაც, მოახდინონ საკუთარი თავის სრული აბსტრაჰირება საკუთარი შეხედულებებისა და წარმოდგენებისაგან გადაწყვეტილების მიღების პროცესში. თუმცა ამ ფსიქოლოგიური და სოციოლოგიური მახეების ცოდნა, ჩვენი საკუთარი ღირებულებებისა და სუბიექტური ბიჰევიორალური ტენდენციების გაცნობიერება, ასევე მცდელობა იმისა, რომ სათანადო, სტრუქტურირებული და მრავალრიცხოვანი გასაუბრების მეთოდების გამოყენებით შეცდომები მინიმუმამდე დაგვეყვანა, კრიტიკულად მნიშვნელოვანი იქნებოდა გასაუბრების ეფექტური პროცესისა და სწორი გადაწყვეტილებების მიღებისთვის პერსონალის დაქირავებისას.