NewsPort

შინაარსი
თავფურცელი
CEO-საგან
მოგზაურობათა
თავფურცელის თემა
რისკი და კონტროლი
მუშაობის გეზი
საავიაციო სექტორის
მართვა
„თავ“ ის სამყარო » ყველაფერი TAV მობილურში ISE–ის უმაღლესი ქულა რა ხდება TAV კორპორატიულ პორტალზე? TAV–ს პრიზით ექვს კატეგორიაში აჯილდოვებენ TAV კერძო უსაფრთხოების თანამშრომელთა ახალი სერთიფიკატები TAV- ის მეხანძრეები შეხვედრა ჩემპიონ მფრინავებთან 55 წელი სტამბულის ათათურქის სახელობის აეროპორტში “ეს სტამბულია” – ფოტოგამოფენა ტავ-ის ვარსკვლავი ბავშვებისთვის ანათებს
პროფესიონალი
ხელებით შექმნილი სასწაული
სამოგზაურო ბარგი
მდგრადი განვითარების
მთლიანი ჯაჭვის ერთ-ერთი რგოლი
ტექნოლოგია
დღიური » თავ - მუსიკა თავ - დივიდი თავ - გამოფენა თავ-ჩვენი ადგილები თავ-ჩვენი ადგილები
აქტიური ცხოვრება » შეხვედრა ხელოვნებასთან TAV სახელოსნოში დაივინგი მუდმივ სწავლას ნიშნავს
რეზიუმე

გასაუბრება ტერმინალზე ტუფან ალათანთან

ტუფან ალათანის – Garanti Technology – ის გენერალური მენეჯერის თანაშემწის, რომელიც პიროვნების ცხოვრების დინამიზმის სპეციალური წყაროს სხვადასხვა ადგილებში ხედავს – ერთერთი უდიდესი ოცნება გახლავთ თვითმფრინავში ყოველგვარი ბარგის გარეშე – მხოლოდ საფულითა და პასპორტით ასვლა.

თუ შეგიძლიათ მოგვიყვეთ თქვენსა და თქვენი საქმიანობის შესახებ, რომელიც Garanti Technology –ში მოსვლამდე გაიარეთ?

ტუფან ალათანი: დავიბადე 1965 წელს ანკარაში; 1982 წელს დავამთავრე TED ანკარის კოლეჯი, მოგვიანებით, 1986 წელს – შუა აღმოსავლეთის ტექნიკური უნივერსიტეტის (METU) კომპიუტერული ინჟინერიის ფაკულტეტი. ოთხი წლის მანძილზე ვმუშაობდი IBM Ankara–ში, სადაც საზოგადოებრივ სექტრორზე მქონდა პასუხისმგებლობა აღებული; შემდეგ სხვადასხვა სერიოზული თანამდებობები მეკავა IBM Istanbul–ში; ფინანსებში, გაყიდვების მხრივ, ჩემი პასუხისმგებლობის ფარგლებში დიდი ბანკები შედიოდა. 1997 წელს სამსახური შემომთავაზა ჰუსნუ ერელმა – ამჟამად Garanti Technology–ის გენერალურმა მენეჯერმა. IBM–ის დატოვება ჩემთვის არ გახლდათ ადვილი და ბატონი ერელის პირველი ორი შეთავაზება სამსახურთან დაკავშირებით არ მივიღე, თუმცა, მესამე ცდაზე დავთანხმდი, ვინაიდან ჩემზე ნამდვილად დიდი შთაბეჭდილება მოახდინა მისმა განაცხადმა: „თუკი ცხოვრებას ზვიგენების მხარდამხარ შეუძლია ცურვა, ე.ი. ეს ის ადგილია, სადაც უკეთ ისწავლი“. იგი კარგად მიცნობდა და ესმოდა, რომ ჩემთვის კონკურენტული და გამოწვევებით მდიდარი სამუშაო გარემო ნამდვილად მიმზიდველი იქნებოდა.

როგორ ფიქრობთ, რა იყო თქვენს კარიერაში ყველაზე მნიშვნელოვანი ეტაპი?
ტუფან ალათანი: TED ანკარის კოლეჯი მართლაც უმნიშვნელოვანესი ეტაპი გახლდათ ჩემთვის, სწორედ იქ ჩაეყარა საფუძველი ყოველივე იმას, რაც დღეისათვის გამაჩნია. ყოველთვის მიმაჩნდა, რომ იღბლიანი ვარ, რადგანაც TED დავამთავრე; იმ წლების მანძილზე, რომელიც METU–სა და IBM–ში გავატარე, შევიძინე ბაზისური ცოდნა და ფასეულობები, რაც ესოდენ აუცილებელია წარმატებისათვის; METU–ში ანალიტიკური აზროვნება ვისწავლე, გავისიგრძეგანე ჩემი პროფესიის მოთხოვნები და მუშაობის უპირატესობა, ხოლო IBM–ში ავითვისე დამკვეთზე ორიენტირებული მიდგომები და ეფექტური კომუნიკაციის უნარი. ყველა ეს ეტაპი ჩემთვის ძალზე მნიშვნელოვანი გახლდათ.

როგორ აირჩიეთ პროფესია?
ტუფან ალათანი: როგორც ყველა იმდროინდელი თურქი ახალგაზრდა, მეც ვითარებისდა მიხედვით ვმოქმედებდი; ჩემი ბიძაშვილი აკონ ქოზანოღლი მაშინ BIMSA–ის IT დირექტორი იყო, მოგვიანებით Akbank–ის გენერალური მენეჯერის მოადგილის პოსტზე დაინიშნა. კოლეჯში სწავლის ბოლო წელს სწორედ მას ვკითხე, რისი შესწავლა უფრო უპრიანი იქნებოდა უნივერსიტეტში; მითხრა, თუ კომპიუტერის ინჟინერი გახდები, არც მდიდარი იქნები, მაგრამ არც შიმშილი შეგაწუხებსო; უნივერსიტეტის მისაღები გამოცდების შემდეგ მე და ჩემი მეგობრები სადილად გავედით, აღმოჩნდა, რომ ყველა მათგანს არჩევანი უპირველესად Hacettepe სამედიცინო ფაკულტეტზე შეუჩერებია და მეც იგივეს მთხოვდნენ დაჟინებით; მეც ავდექი და, დაპირებისამებრ, ჩემს არჩევანში პირველ რიგში სამედიცინო ფაკულტეტი მივუთითე, თუმცა, კომპიუტერის ინჟინერიაზე მიმიღეს, სწორედ იქ, რომელიც, თურმე, ჩემს გულში იყო.

წელიწადში რა დროს ატარებთ საზღვარგარეთ ფრენებში და რა მიზნით?
ტუფან ალათანი: საზღვარგარეთ სამჯერ ან ხუთჯერ მიწევს საქმიანი ვიზიტით გამგზავრება, ხანდახან ოჯახთან ერთად ტურისტულად ვმოგზაურობ ხოლმე. ჩემი ბიზნეს ვიზიტები ახალი ტექნოლოგიების გაცნობას ემსახურება, ვესწრები ფორუმებს, სადაც კიდევ უფრო მიმყარდება საერთაშორისო ბიზნესის ხედვა; ვფიქრობ, ნებისმიერი სახის მგზავრობა შთამაგონებელია, იქნება ეს საქმიანი ვიზიტი თუ უბრალოდ, სიამოვნება.

როგორია თქვენი რეკომენდაციები ხანგრძლივ ფრენებთან დაკავშირებით?
ტუფან ალათანი: გულახდილად რომ გითხრათ, ხანგრძლივი ფრენები არ მომწონს, უფრო ევროპაში ვამჯობინებ მგზავრობას დასვენების დღეებში; ბოლო ორი წლის მანძილზე საქმიანი ვიზიტით გახლდით აშშ–სა და იაპონიაში; იაპონაში ფრენა განსაკუთრებით უსასრულო მეჩვენა; ფრენისას ძილი არ შემიძლია, ამიტომ ერთი წიგნი სულ წავიკითხე, რამდენიმე ფილმს ვუყურე, თუმცა, სულ ვფიქრობდი: „ღმერთო, ცოტა მაინც შემოკლდეს დრო დაფრენამდე“, არადა, შეხედავ და კიდევ ოთხი საათი გრჩება! შეერთებულ შტატებში ჩემი ბოლო ფრენის დროს რამდენიმე სარტყელის ცვლილების გამო ბიორითმი დამერღვა, მთელი დღე ვერ დავიძინე; მელატონინის მიღება მირჩიეს და ამან მიშველა. ამის შემდეგ მელატონინს ყოველთვის ვიღებ ფრენის ან ძილის წინ და ამასვე ვურჩევ ყველას.

როგორია თქვენი სამზადისი, რათა უსაფრთხოების შემოწმების პროცედურების დროს თავიდან აიცილოთ ბევრი დროის დაკარგვა?
ტუფან ალათანი: აეროპორტის ავტოსადგომზე მანქანის დაყენებისთანავე ვიხსნი ყველაფერს, რაც უსაფრთხოების რენტგენით შემოწმებისას არ უნდა მქონდეს; ასე, რომ შემოწმების ადგილზე მისვლისას უკვე მზად ვარ; ყურადღებას ვაქცევ იმ გარემოებასაც, რომ ხანმოკლე მოგზაურობის დროს, რაც შეიძლება, ცოტა რამ წავიღო, მირჩევნია, მხოლოდ ხელბარგი მქონდეს, თუმცა ეს ყოველთვის არ ხერხდება. არ მიყვარს დიდი ტვირთის ტარება, ამიტომაცაა, რომ მირჩევნია, კოსტიუმი ზედ მეცვას – იგი დიდ ადგილს იკავებს; სიმართლე გითხრათ, ერთი ოცნება მაქვს: ვიმგზავრო მხოლოდ საფულითა და პასპორტით, აი, ისე, ფილმებში როგორცაა; ვიცი, ეს ფანტაზიაა და ასრულებაც არ უწერია.,

გიყვართ ტერმინალში გაჩერება გაფრენის წინ?
ტუფან ალათანი: ნამდვილად, მიუხედავად იმისა, რომ საერთაშორისო ფრენებისათვის სტანდარტული პერიოდი 2 საათია, აეროპორტში ყოველთვის 2,5 საათით ადრე მოვდივარ, რაც შეიძლება, სწრაფად გავდივარ უსაფრთხოების შემოწმებას; ადრე – თუკი ბიზნეს კლასით მივფრინავდი, Garanti Bank Lounge ან THY CIP Lounge – ს ვირჩევდი; ახლახანს აღმოვაჩინე, რომ ათათურქის საერთაშორისო აეროპორტში ძალზე სასიამოვნო გარემოა; ახლა უკვე მირჩევნია, D&R–ში წიგნი ან ჟურნალი ვიყიდო და Starbucks–ში მოვისვენო; მსოფლიოში უამრავი აეროპორტია, მაგრამ მე ყველაზე მეტად სტამბულის ათათურქის აეროპორტი მიყვარს, მიმაჩნია, რომ იგი თანამედროვე და კომფორტულია. ანკარის ესენბოგას აეროპორტის არქიტექტურაც ძალზე მიმზიდველია.
ჩემი სამუშაო ადგილი გუნესლიშია, ასე, რომ, როდესაც ხანდახან საცობში მოვყვები ხოლმე, თვითვმფრინავების აფრენას ვუყურებ და იმ ადგილებზე ვფიქრობ, საითაც ისინი მიფრინავენ. აეროპორტი ჩემში თავისუფლებასთან ასოცირდება.

ის, რაც ხელბარგში აუცილებლად უნდა გქონდეთ
"ბოლო წლებში სპორტი ჩემი ცხოვრების მნიშვნელოვანი ნაწილი გახდა; აქედან გამომდინარე, ყოველთვის თან დამაქვს სასირბილო ფეხსაცმელი და საჭირო აღჭურვილობა სასტუმროს საცურაო აუზისთვის. მეორე რამ, რაც ასევე უნდა მქონდეს ჩანთაში, წიგნებია, რომლებსაც იმ დროისათვის ვკითხულობ. ამჟამად ანდრე აგასის ავტობიოგრაფიასა და ჯორჯ ფრიდმანის „მომდევნო 100 წელს“ ვკითხულობ; ფრიდმანის „მომდევნო 100 წელი“ წაკითხული მაქვს; ეს მწერალი თურქეთის მომავლის შესახებ ძალზე სერიოზულად აზროვნებს, შორსმჭვრეტელობის საინტერესო უნარი გააჩნია, მაგალითად, ფიქრობს, რომ 2025–2040 წლების შუალედში თურქეთი და იაპონია აშშ–ისა და პოლონეთის წინააღმდეგ იბრძოლებენ.